شعار مصر المستخدم في العلم هو العقاب المصري اللي ضامم جناحاته و لونه دهبى و ف وسط صدره درع عليه علم مصر. و العقاب المصرى كان رمز الدوله الأيوبيه من أيام عهد السلطان صلاح الدين الأيوبي، و بيرمز للقوة و للانتصار على الاعداء.بيبص العقاب ناحية اليمين عشان يدل على الأخدان باليمين أو التيمن وهو رافع راسه.
تاريخ
ظهر أول شعار بيعبر عن شخصية مصر في بداية عهد الدوله الايوبيه اللي أسسها السلطان صلاح الدين الأيوبي ف مصر بعد ما قضا على الخلافه الفاطميه، وكان شعاره العقاب المصري اللي بيرمز ل القوة والانتصار على الأعداء، خصوصاً لما كانت مصر بتحارب الصليبيين في العهد ده.
رجع العقاب المصري تاني شعار للدولة بعد إعلان الجمهوريه في مصر ف عهد الرئيس جمال عبد الناصر، والنسر كان بيبص يمين دليل على التيمن، وعلى صدره في هلال وتلات نجوم في خلفيه خضرا بتدل على أن دين الدولة الرسمي هو الإسلام، والثلاث نجوم التانيه بتمثل التلات ديانات الرئيسيه ف مصر وهيَ الإسلام والمسيحيه واليهوديه.
أما أيام الوحدة التي كانت بين مصر وسوريا اللي عرفت باسم الجمهوريه العربيه المتحده من 1958 لحد 1961 اتحط العقاب شعار مرة تانيه لكن بشكل مختلف شويه، و ده مع تغيير النقش على صدر العقاب بحط نجمتين خضر بيمثلوا مصر وسوريا، بحيث أن النجمة اللي فوق بتمثل الإقليم السوري الشمالي والنجمة اللي تحت بتمثل الاقليم المصري الجنوبي. أُتحط الشعار ده لمصر حتى بعد ما انتهت الوحدة بين مصر وسوريا لحد سنة 1972، لما اتغيير في عصر الرئيس محمد أنور السادات بعد انضمام مصر لاتحاد الجمهوريات العربيه.
من أيام ما اتعمل اتحاد الجمهوريات العربية بين مصر وسوريا وليبيا، حط الاتحاد الجديد شعار جديد وهوه الصقر الدهبي اللي باصص شمال عشان يدل على قوة الاتحاد بين البلاد التلاته، و مصر خلته شعارها حتى بعد ما اتفكك الاتحاد لحد سنة 1984، و خلته سوريا وليبيا شعارين ليهم برده لحد دلوقتي .
في عهد الرئيس محمد حسنى مبارك، اعتمد الشعار الحالي سنة 1984 شعار رسمي للجمهوريه ، وهو نفس العقاب المصري المعهود من ايام عهد الرئيس جمال عبد الناصر، مع الاختلاف في الكتابة في قاعدة الشعار، حيث بقت "جمهورية مصر العربيه" بدل "الجمهوريه العربيه المتحده" مكتوبة بالخط الكوفي، واتشال النجمتين الخضر من نص العلم المنقوش ف صدر العقاب , وأصبح الشعار بيتحط في وسط علم مصر ابو لون دهبي.
