بيعتبر الفراعنه اقدم ناس فى التاريخ عملوا علم ليهم بيمثل و بيرمز للمصريين و كانوا بيستخدموها و بيرفعوا الاعلام فى الحروب و الاعياد و الحفلات.
علم مصر بتاع الدوله الحاليه اتعلن عنه فى يوم 4 أكتوبر سنة 1984 بيتكون من تلات مستطيلات بالعرض متساويين وطوله اد عرضه مرتين و بترتيب الالوان دا.الاحمر (فوق): بيعتبر من اقوى الالوان, و بيعبر عن القوة والامل و دم الشهداء اللى ضحوا عشان مصر و اللى مستعديين يفدوها بدمهم.
ابيض(فى النص): بيعبر عن طيبة المصريين و السلام.
اسود (تحت): بيعبر عن عصور الجهل والاستبداد و الاحتلال اللى عدت على مصر وبيفكر المصريين بيها.
النسر فى نص المستطيل الابيض فيه نسر, ودا بيعبر عن قوة مصر و دا رسم النسر اللى كان بيستخدمه صلاح الدين الايوبى و تحته مكتوب جمهورية مصر العربيه.
تاريخ:
علم الدوله المملوكيه و مماليك العصر العثمانلى من 1250 لحد 1826
على الرغم من ان الدوله المملوكيه قضى عليها الاتراك العثمانيين اللى غزو واحتلو مصر سنة 1517 لكن العثمانيين حطوا بقايا المماليك تحت سيطرتهم وبقى المماليك الكبار بكوات و اتعملت لهم امتيازات خاصه و ادوهم حق الترقى لدرجة باشا، و بالطريقه دى قدر العثمانليه يحطو بقايا المماليك تحت سيطرتهم وفضل الوضع على كده لغاية معركة الأهرامات, كُتُب الأعلام التاريخيه بتبين ان ان المنطقه المصريه من الدوله العثمانيه كان بيتحط عليها علم مخطط اخضر-اصفر-اخضر و ده العلم اللي بيرجع للدوله المملوكيه.علم مصر وقت الاحتلال العثمانى و اوائل حكم محمد علي من 1826 لحد 1867
العلم لونه احمر فيه هلال ابيض فيه نجمة سباعيه و النجمه السباعيه زودها محمد علي على علم الدوله العثمانيه (اللي كان احمر وفيه هلال ابيض بس)لانه كان عايز ينفصل بمصر عن الدوله العثمانيه.علم الخديويه و السلطنه المصريه من 1867 لحد 1922
اتمتعت مصر باستقلال صوري على شكل خديويه علشان تبين استفلالها عن السلطه العثمانيه و اعلن محمد علي العلم الجديد لمصر بقى علم أحمر فيه تلات هلالات لونهم ابيض و قدام كل هلال نجمة. بيتقال ان التلات نجوم دول بيعبروا عن انتصرات الجيش المصر فى عهد محمد على فى القارات التلاته (أفريقيا - أوروبا - اسيا) او بيعبروا عن سيطرة محمد علي على مصر و السودان و الحجاز والشبه بينه و بين العلم العثماني كان لأن محمد علي كان نفسه يقضي على الأسره العثمانيه و يحكم هو الامبراطوريه كلها.علم المملكة المصريه من 1922 لحد 1954
العلم اخضر فيه هلال ابيض و تلات نجوم لونهم ابيض به هلال أبيض. واعلن عنه فى سنة 1923 بعد اعتراف بريطانيا باستقلال مصر مع ان الانجليز كانوا بيتدخلوا لسه فى سياسات مصر. والنجوم التلاته بيتقال انها بترمز للأجزاء التلاته اللى بتتكون منها المملكة المصرية وهي مصر والنوبه والسودان، أو ديانات المصريين التلاته وهما الإسلام والمسيحية واليهودية. فضل العلم دا مستخدم لحد ما قام انقلاب عسكرى بيقيادة جمال عبد الناصر سنة 1952.علم جمهورية مصر من 1954 لحد 1958
اتغير العلم القديم بواحد جديد بيتكون من تلات الوان (أحمر و أسود و أبيض) وفى نصه شعار الجمهورية اللى هو النسر، النسر كان عريض الشكل و له درع اخضر فى هلال ابيض و تلاتة نجوم. واعلنوا ان الالوان بتمثل- الأحمر للثوره.
- الأبيض للعد الجديد او السلام والتحرير والرخاء.
- الأسود للعهد القديم و اعداء الثوره.
علم الجمهورية العربية المتحدة من 1958 لحد 1971
اتعلنت الوحده الفيدرالية بين مصر و سوريا واتغير اسم " جمهورية مصر " ل الجمهورية العربية المتحدة وبقى الاقليم الجنوبي (مصر) و الشمالي (سوريا) و اتشال النسر وحطه مكانه نجمتين خضر بيمثلوا مصر و سوريا. خلصت الوحده بعد ما حصل انقلاب فى سوريا سنة 1961, بس فضل العلم زى ما هو و فضل اسم مصر هو الجهورية العربيه المتحده و اتشال اسم مصر لاول مرة فى التاريخ.علم جمهورية مصر (جمهورية مصر العربيه) من 1972 لحد 1984
السادات مسك الحكم و حصلت وحده تانيه باسم اتحاد الجمهوريات العربية مع ليبيا وسوريا و شالوا النجمتين من العلم المصري وحطه صقر كشعار للاتحاد و بعد ما الاتحاد فشل. فضلت مصر بنفس العلم لحد ما فى سنه 1984 غير الصقر لنسر القديم (نسر صلاح الدين) و بقى العلم الموجود دلوقتى.